نشر الفنان عباس النوري على حسابه على فيس بوك

 

قبل (٦) عقود كنت هون .. ولدت بهالبيت يلي كان سكانو بحدود الخمسين من الأقرباء وأقرباء الأقرباء ومدري مين كمان ..كل هالعدد جمعو الفقر ببيت واحد ( ما أحلاه )
أبي كان كومسيير ( جابي ) عالترين الدمشقي الله يرحمو
ويرحم أمي قديش قالتلي إني كنت عذبها بهالبيت.
القيمرية وقفتني قدام عمري كلو
بالنسبة إلي ( القيمرية عاصمة الشآم )
وشرف كبير إني من مواليدها
وعلى بعد كم خطوة كان أبي يبعثني لجيب ثلاثة كيلو خبز ( بليرة وفرنك ) من فرن الجاويش ..
راح كل شي بس ضلت الحيطان تحكي
ويا لطيف شو مخبية حيطان القيمرية
ويا لطيف اذا بدي اتذكر قديش رح لاقي حكي
.. وحكي صعب .. صعب وطويل وما بيخلص ..يا لطيييييف
حاولو تروحو للقيمرية وتسألوها

التصنيفات : فن و دراما